Meghalaya CM-in zirtirtute hlawh tihpun a tiam

Meghalaya Chief Minister Mukul Sangma chuan state chhunga zirtirtute hlawh chu tihpun a nih tur thu House a hrilh.

Sangma chuan zawhna chhangin, "Kum 2013 khan government teacher-te chu an hlawh 100%-a tihpun a ni a, zirtirtu dangte pawh an hlawh tihpun a ni ang" a ti. Hetih lai hian zirlaite hnena scholarship pek ṭhin chu Union Ministry aṭanga tihkhawtlai a nih ṭhin avangin a hun takah pek chhuah theih a ni lo, a ti. Ministry chuan state chhunga zirlaite tan chang vaibelchhe 15 a ruahman tih a sawi bawk.

CM Sangma chuan, Shillong Engineering College din turin ruahmanna siam a ni a ti a, hemi atan hian sum pawh pek chhuah thuai a ni ang, a ti. Hei bakah hian Shillong Polytechnic School leh University of Urban Planning and Architecture din turin hmalak a nih thu a sawi.