Assam CM-in Project thar a hawng

Assam Chief Minister Sarbananda Sonowal chuan Thawhlehni khan Sustainable Action for Climate Resilient Deve­lopment project a hawng.

He project hi Majuli district, Carbon Neutral district-a a nih theih nan ruahman a ni. Assam sorkar chuan Majuli hi India rama Carbon Neutral district hmasa ber ni turin a cheibawl mek a, project eng emaw zat a kalpui. Project thar hi forest and environment ministry hmalaknaa kalpui a ni a, kum 2020-ah chuan Majuli chu Carbon Neutral district-ah puan hman tum a ni.

Project hawngtu CM Sonowal chuan sorkar hmalakna-te mipuiin an thlawp ṭhin avangin lawmawm a tih thu a sawi a, hemi vang hian an state chuan nasa takin hma an sawn niin a sawi. Green Gold Bamboo Summit pawh hawn nghal a ni a, Forest Minister Pramila Rani Brahma leh Agriculture minister Atul Bora-te'n an telpui a ni. Majuli aṭang hian Sarbananda Sonowal hi kum 2016 assembly election-ah khan thlan tlin a ni, hemi hnu hian district-ah hlankai a ni zui bawk.

United Nations Edu­cational, Scientific and Cultural Organization (UNESCO) chuan kum 2016 khan Majuli hi khaw­vela thiarkar lian berah a lo puang tawh a ni.