Meghalaya-in GTS a ṭhatpui ang : Zenith Sangma

Meghalaya Taxation minister Zenith M Sangma chuan July 1 aṭanga Goods and Services Tax (GST) hman ṭan tura tih chu an ṭhatpui tur thu a sawi.

Minister M Sangma chuan, state sorkarin GTS hmang tura thutlukna a siam chu thutlukna dik a nih thu sawiin, an ṭhatpui a rin thu a sawi. Hemi chungchang hi assembly-a question hour-ah sawichhuakin, sorkar chuan a ṭha thei ang bera kalpui a tum thu leh, a hlawhtlinpui ngei a beisei thu a sawi. GTS hman a nih hnu chuan excise duty, service tax, customs, value added tax, central sales tax, leh luxury tax-ah direct-a chhiah lak a nih tawh tur thu Sangma chuan a sawi bawk.

Hetih lai hian kum 2017-18 atana state budget pharhtu Chief Minister Mukul Sangma chuan budget tharah hian nasa takin hmasawnna a thleng dawn niin a sawi. Budget thara state sorkar sum indaihlohna chu cheng vaibelchhe 1,236 a ni.