ODF-ah Arunachal siam tum

Arunachal Pradesh chu khawlaia inthiar awm lohna, Open Defecation Free (ODF)-ah siam tum a nih thu state PHE & WS Minister Bamang Felix chuan a sawi.

Minister Bamang Felix chuan he thu hi Union Ministry of Water Supply and Sanitation buatsaih, national con­ference on Water Supply and Sanitation-ah a sawi a ni. Minister chuan, PHE, water supply leh sanitation lamah te state sorkarin nasa taka hma a lak thu sawiin, Open Defecation Free ni tur hian ruahmanna kalpui mek a nih thu a sawi. An hmalakna te thlawp turin Ministry a ngen tih sawiin, hlawhtling taka Water Quality Monitoring & Surveillance programme kalpui a nih theih nan hmalakpuiah a sawm bawk. He programme hnuaiah hian state sor­kar chuan Individual Household Latrines (IHHL)-ah hlawhtlinna 84.05% a hmu tawh tih sawiin, Community Sanitary Complexes (CSC) 34.62% leh Solid Liquid Waste Management (SLWM)-ah 9.08% te a hlawhtlinna hmuh a nih tawh thu a sawi bawk.