July 12-ah AP Panchayat by-poll nei dawn

Arunachal Pradesh State Election Commission chuan July 12-ah gram panchayat seat 130 leh zila parishad seat khatah inthlan neih a ni dawn tih a puang.

Changlang district-a Vijoynagar administrative sub-division hnuaiah gram panchayat seat 40 leh zila parishad seat khat erawh chu dan leh thupek dinhmun avangin inthlan neih hun tur hi tihkhawtlai a ni dawn tih state election commissioner Hage Kojeen chuan a sawi.

Kojeen chuan Election Tribunal leh Gauhati High Court-a Itaganar bench-ah court case a awm avangin inthlan neih turah hian seat 11 chu telh an ni lo tih a sawi bawk a ni.

By-poll neihna tur seat hrang hrangte hi kum 2020 December thlaa local body election neih dawna nomination paper hnawl vang te, candidate an awm loh vang te, anti-defection law hmanga disqualify te, candidate thlan tlin zinga bang leh thi an awm vangtea seat ruak a ni. District 20-a polling station 101-ah vote thlak a ni ang.

Arunachal Pradesh-ah hian gram panchayat seat 8,145 leh zila parishad seat 242 a awm.