Manipur police-ten Imphal-a bomb 3 tipuaktua puh an man

Manipur police-te chuan Thawhlehni khan tun hnaia Imphal khawpuia bomb pathum tipuaktua puh, kum 46 mi Thounaojam Rishi Luwangcha an man.

Police-te chuan Thounaojam Rishi Luwangcha hi Imphal East district-a Kangla Sangomsang Makha Leikai area-a cheng niin an sawi. A kut aṭang hian bomb, detonator, leh Cordtex wire-te man a nih thu Imphal West district superintendent of police (SP) Ksh Sihvankat Singh chuan a sawi.

Pawikhawihtu nia puh hian nikum September thla khan helpawl, National Revolutionary Front pawlah a tel thu sawiin, he pawla self-styled commander chuan midang a hriat loh kaltlangin bomb hi a pe tih a sawi. Bomb pakhat a tihpuah hian Rs 30,000 zel pek a nih thu a sawi bawk.

SP Singh chuan thu an zawhfiahnaah, Luwangcha hian May 5-a Nagamapal-a dawr, May 6-a Khurai Thoidingjam Leikai-a in pakhat bul leh June 5-a Litter Flower School-a bomb tihpuahnaah khan a inhnamhnawih thu a sawi a ni, a ti.