Assam CM-in council of minister a tilian dawn

Assam chief minister Himanta Biswa Sarma chuan a council of minister a tilian dawn nia sawi a ni a, hei hi nikuma BJP kaihhruai sorkar thar a din hnua ministry a tihlenna hmasa ber tur a ni.

Assam council of minister-ah hian member 14 awm mekin, member dang pali a la lakluh belh theih a ni. Minister zinga 11 hi BJP MLA niin, ṭangrual sorkar an siampui Asom Gana Parishad (AGP) in minister pahnih leh United Peoples Party Liberal (UPPL) in minister pakhat an nei bawk.

Chief Minister Sarma hian kar liam ta khan hill district, Karbi Anglong leh Dima Hasoa aṭangin minister dah a lo tiam a ni. Hetih lai hian AGP chuan an party aṭangin minister hi pathum dah turin an ngen a, UPPL pawhin minister pakhat dah belh turin an ngen tawh bawk a ni.