Assam-ah thermal power project 6 siam dawn

Assam sorkar hnuaia power generation company chuan thermal power project paruk a siam dawn a, heng project ten power an siamchhuah tur hi MW 992 a tling.

Lok Sabha-a zawhna a chhannaaah Union minister of state for power Piyush Goyal chuan he thu hi a sawichhuak a, Assam-ah hian hydroelectric power project thawh lai a awm lo niina sawi bawk.

Minister chuan Assam-a power project siam tumte hi 660-MW Margherita Project, 12-MW Golaghat Project, 70-MW Lakwa Replacement Project, 30-MW Cachar project, 100-MW Amguri Project leh 120-MW Lower Kopili Project an nih thu a awi a, Central Electricity Authority fchuan Lower Kopilia project chu kum 2016, May thla khan a lo pawmpui tawh bawk a ni, a ti.

Assam Power Distribution Company Limited chuan kum thum kum li kalta aṭang khan state in power a mamawh zat hi a pung chak hle niiin a sawi a, Guwahati bikah pawh kum nga kalta chhungin power mamawh zat chu a let thum zatin a pun hman a ni, a ti. Thingtlang lama power pekchhuah 16% chu 50% ah a kai chho tawh a, National Electricity Policy angin kum 2019-ah chuan Assam-ah in tinin electric eng pek tum a ni tih a sawi. Hei vang hian khawpui lam bakah thingtlang lama power mamawh zat pawh a pung chak hle tih a sawi.

Official-in a tarlan Assam-in power a mamawh san ber laiin 1400 MW a mamawh tih a sawi a, hei hi kum nga kaltaa a mamawh zat aiin a let hnihin a tam a ni.