Manipur-ah pawl pahnihin nawrh huaihawt

Manipur Muslim Welfare Association (MMWA) chuan 'Naga Framework Agreement' ziahna 'white paper' hmuh phut avangin kar kalta Inrinni khan darkar 24 awh bandh an huaihawt. Hetih lai hian Democratic Students Alliance of Manipur(DESAM)-te pawhin parliamentary secretary atana Independent MLA Ashab Uddin ruat a nih duh lohna lantirin nawrh an huaihawt bawk.

Bandh hi zing dar 6 aṭanga kalpui ṭan a ni a, thlawp a hlawh ṭha thawkhat hle. MMWA president Abdullah Pathan chuan, BJP kaihhruai sorkar chu Naga hel pawl - National Socialist Council of Nagaland - Isak-Muivah (NSCN-IM)-te nena inremna ziak anga tarlan chu finfiahna hmuh an phut tih a sawi. Kum 2015-a sorkar laipui, Manipur leh NSCN-IM-te'n inremna ziak anga tarlan chu a finfiahna tel lo chuan an pawm lo tih sawiin, inrem hi ziah ngei a nih chuan a ziahna lehkha tarlang turin an phut a ni. NSCN-IM general secretary Th Muivah pawhin an thil phut chu tihhlawhtlinsak turin sorkar an phut tih a sawi a, inremna ziah tawh anga tarlan chu finfiah a nih loh chuan an pawm thei dawn lo niin a sawi bawk.

Sorkar laipui chuan 'Naga Framework Agreement' ziah chungchangah rinhlelh tur a awm lo tih sawiin, lungawi lohna lantirtute chu tawpsan turin a ngen. Inremna hi ziah ni tawh mah se, inremna tluantling erawh ziah a la ni lo tih tarlan a ni.

Hetih lai hian Democratic Students Alliance of Mani­pur(DESAM)-te chuan parlia­mentary secretar atan Independent MLA Ashab Uddin ruat a nih duh lohna lantirin nawrh an huaihawt. DESAM thuchhuah chuan Ashab Uddin chu state mi leh sa nihna nei lo niin an sawi a, chanvo pawimawh pek chu an hrethiam thei lo tih an sawi. DESAM President Nameirakpam Edison Singh chuan nawrh hi chhunzawm an tum tih sawiin, zirlai board exam hmachhawn tur te pawh dan an tum tih a sawi. Chief minister N Biren Singh chu Ashab Uddin-a chanvo pek tawh hlih sak leh turin an phut.

Ashab Uddin leh a chhungte hi kum 1906 aṭang chauhin Manipur-ah an cheng a, hei vang hian khua leh tui nihna dik tak nei lo nia tarlan a ni. Hetih lai vek hian All Manipur Bengali Students Association leh All Manipur Muslim Organisation Co-ordi­nating Committee-te chuan, DESAM-te'n parliamentary secretar atana Independent MLA Ashab Uddin ruat duh lohna lantira lungawi lohna an lantir chu tawpsan turin an phut tih a sawi.

Ashab Uddin hi Independent MLA a ni a, BJP kaihhruai sorkar thlawp tu niin, chanvo pawimawh tak pek a ni.