Manipur CM-in highway patrol vehicle vailiam

Manipur chief minister N Biren Singh chuan Thawhlehni khan GPS-enabled Highway Patrol vehicle panga a vai liam a, heng motor-te hi Tengnoupal-a NH-102-ah Pallel leh Moreh inkar, km 60-ah an duty ṭhin dawn a ni.

Chief Minister chuan mipuite himna, a bikin highway leh a chhehvela an himna tur ngaihtuaha hma la tu, DGP leh police force-te chu fakawm a tih thu a sawi. State police hian Kangkokpi leh Senapati inkar viltu tur, GPS-enabled highway patrol vehicle paruk chu tun hnai khan an lo vailiam tawh bawk.

Imphal-Jibiram Highway-ah highway patrol hi dah ve leh tum a nih thu CM Singh chuan a sawi. Sorkar chuan highway himna turin a ṭul angin hma a la zel dawn a ni, a ti. Highway-a driver leh mipui tangkhangte chuan anmahni pui turin patrol party hi an be thei reng dawn a, an biak theihna number-te pawh puanzar a ni. CM chuan Highway Protection Force dinna turin Indian Reserve battalion hnih lakna tura ruahmanna siam mek a nih thu a sawi bawk.