Meghalaya-ah dan loa coke-oven factory ding awm tawh lo : CM

Meghalaya chief minister Conrad K Sangma chuan an state-ah dan loa coke-oven factory dinte chu khar tir vek an ni tawh tih a sawi.

Chief Minister chuan coke-oven factory la awmte chu environmental clearance nei leh, sorkar-ah pawh inziak fel vek an ni tih a sawi nghal bawk. Kum 2012 khan East Jaintia district-ah dan loa coke oven plant din an awm nia sawiin petition thehluh a ni a, heng factory-te hian mihring hriselna atana pawi thei thilte tichhuakin, environment conservation hnuaia health norm siamte an bawhchhia nia sawi a ni.

He petition thehluh chungchangah National Green Tribunal (NGT) chuan kum 2021, December 9 khan sorkar laipui leh state sorkar hnenah dan loa coke-oven factory dinte chu khar tir turin thupek a tichhuak a ni.