Nagaland hmeichhe zirlaite'n PM Modi an hmu

National Commission for Women (NCW) hmalakna, 'Ek Bharat Shreshtha Bharat' hnuaiah Nagaland aṭanga kal hmeichhe zirlaite chuan tun kar tir lam khan prime minister Narendra Modi chu Delhi-a a chenna inah an hmu.

PM Modi pawhin Nagaland zirlai aiawhte nena an inkawm thu hi a twitter-ah a tarlang a ni.

Zirlai aiawhte chuan PM hoa meeting a neih chu a lungawi thlak hle tih an sawi. Meeting-ah hian hmarchhak bial chungchang te, Nagaland-a PM thil tawnte, Yoga leh topic dangte an sawiho a ni.

Modi hian zirlaite chu Delhi-a an thil tawn te, tourist destination an tlawh chungchangte lo zawtin, PM Sangrahalaya leh National War Memorial pawh tlawh turin a lo chah nghal bawk.