Meghalaya : UGC-in University pahnih tihtawp sak tawh
Minister of State for HRD, Mahendra Nath Pandey chuan tun hnai kum thum chhungin University Grants Commission (UGC) chuan Meghalaya-a University pahnih chu a tihtawp sak tawh tih a sawi.
Minister Pandey chuan University tihtawp sak te chu EILM University leh CMJ University-te a nih thu Lok Sabha-ah a sawi chhuak a ni. CMJ University chu state sorkar rawtna angin UGC chuan a titawp tih a sawi a, hemi chungchangah hian University thuneitute chu Meghalaya High Court-ah an zualko a, state sorkar pawh Supreme Court-ah a zualko a ni. Mahse court chuan thu tlingah a ngai lo a, University hi tihtawp sak an ni ta a ni, a ti. EILM university pawh UGC-in ngun taka a zir chian hnuah state sorkar hriatpuinain December, 2014 khan tihtawp a ni, a ti bawk.
Pandey chuan university pahnihte hi tihtawp an ni tawh a, Sikkim sorkar pawhin heng hmuna an state aṭanga zirlai awmte chu a la chhuak tawh a ni, a ti.