India-China border-ah chin hriat lohin sipai bo

Arunachal Pradesh-a India-China border-a sipai chu ni 13 chhung a chin hriat lohin a bo tawh.

He sipai hi Dehradun lam mi, Prakash Singh Rana a ni a, May 29 khan a bo tih report a ni. Sipai lam thuneitute chuan a nupui pawh telephone-in an hrilh tawh a ni.

7th Garhwal Rifles jawan, Rana hi AP-a Indo-China border-a Thakla post-ah dah a ni.

Ni 13 chhung zet a chin hriat a nih tawh loh avangin a chhungte pawh an mangang tawh hle. Sahaspur biala BJP MLA, Sahdevl Singh Pundir chuan sipai chhungte hi kar liam ta kartawp khan hmuin, theihtawp an chhuah tur thu a hrilh. MLA chuan union minister of state for defence, Ajay Bhatt pawh a biak tawh thu leh, thil awmdan te a hrilh thu a sawi.