Assam-ah special women police Bn. din dawn

Assam Chief Minister Sarbananda Sonowal chuan, naupang leh hmeichhiate an him zawkna turin special women police battalion din a ni thuai dawn tih a sawi.

Home department changtu Sonowal chuan, state chhungah mihring hmanga sumdawnna, hmeichhe chunga hleihlenna leh pawikhawihna te a hluar zel a, hemi veng tur hian hma lak a ni,a ti. Hemi atan hian high level committee pawh din a ni a, Home Department chu Nodal Agency a ni ang. Anni hian mihring hmanga sumdawnna leh, naupang leh hmeichhia te laka pawikhawihna thleng te chu an chhui ṭhin dawn a, hemi kawngah hian hma la turin Labour leh Social Welfare Department pawh hriattir an ni, a ti.