Nagaland-in Indo-Myanmar Border Fencing Project tihtawp duh

Nagaland sorkar chuan Myanmar sorkarin Indo-Myanmar border fencing project a kalpui mek chu tihtawp a duh thu sorkar laipuiah a thlen dawn.

Health and Family Welfare minister, P Longon chuan hemi chungchang hi House-ah a pulut a, sawiho a nih hnuah voice vote hmanga pass a ni. P Longon chuan, House-in hemi chungchang sorkar laipuia thlen a remtih thu sawiin, hma lak nghal a ni ang, a ti. Sorkar laipui chu Indo-Myanmar border fencing project tihtawp a nih theih nana Myanmar sorkar dawr tura ngen a ni dawn a, he project-in a nghawng te sorkar laipuiah thlen a ni ang.

Chief Minister, Dr Shurhozelie Lie­zietsu-a bill putluh - Nagaland Co-operative Societies Bill 2017 leh The Nagaland Appropriation Acts (Repeal) Bill, 2017-te chu Assembly chuan a pass bawk. Cooperatives Societies Bill hian Nagaland-a hman mek Assam Cooperative Societies Act, 1949 a thlak dawn a ni.