Manipur sorkarin Anti-tribal bill sawipuiah JAC-te sawm

Manipur Chief Mi­nister Nongthombam Biren Singh-a kaihhruai Manipur sorkar chuan Anti-Tribal Bill chung­changa inbiakna neihpui­ah Joint Action Committee (JAC)-te a sawm.

JAC-te hian Thawh­lehni khan sorkar nena inbiakna neih chungchang ngaihtuah hian Chura­chandpur district-a Young Paite Association Gene­ral Headquarters Hall, Hiangtam Lamka-ah meeting an nei a ni. He hunah hian JAC hnuaia tribal pawl hrang hrang aiawhte an tel a, an thil phutte chu sorkarah thlen turin an rel. March 24 khan JAC-te hian Anti-Tribal Bill chungchang sawiho tura Chief Minis­ter sawmna chu an lo hnawl tawh a, mahse pawl hrang hrangte ngaih­dan lak a nih hnuah thutlukna an siam thei dawn nia tarlan a ni.

Congress kaihhrui sor­kar chuan kum 2015 August 31 khan bill pathum - The Protection of Manipur Peoples Bill, 2015, Manipur Land Revenue and Land Reforms (seventh amendment) Bill 2015 leh Manipur Shops and Establishment (second amendment) Bill 2015-te a lo pass tawh a, hei hi tribal-te chuan nasa takin an dodal a ni.