Manik Sarkar-a'n mipuite harsatna haiderah rorellai party-te a puh

Tripura chief minister hlui leh eptu hruaitu, Manik Sarkar chuan an state-a rorellai, BJP leh a thawhpui IPFT leh Autonomous District Council-a rorellai, TIPRA Motha party chu state mipui harsatna tawkte haiderah leh, inṭhendarhna policy kalpuiah a puh.

CPM tribal wing, Gana Mukti Parishad (GMP) in Agartala-a rally an huaihawta thu a sawiah, Sarkar chuan BJP kaihhruai sorkar chuan thingtlang biala awmte hna thawhtur pe thei lo leh, hmun hla zawka chengte healthcare service pe thei loin, tlang rama chengten ei leh in lamah harsatna tam tak an tawk a ni, a ti.

Tripura-a Left Front sorkar lai chuan MGNREGA kaltlangin rural area-a chengte tan inhlawhna tur tam tak an siam tih Sarkar chuan a sawi bawk.BJP kaihhruai sorkar hnuaiah chuan hna, ei leh in, sum lakluh chungchanga harsatna awm leh 125th Constitution amendment tihkhawtlai mek chu chinfel theih a ni dawn lo tih sawiin, TIPRA Motha pawh tribal leh non-tribal te ṭhendarhna tur policy kalpuiah a puh bawk.