National Monuments Authority team-in AP tlawh dawn

Arunachal Pradesh-a ancient monument hrang hrang, a bikin Tibet-China region ramria mite enfiah turin National Monuments Authority team an kal dawn.

Team hian June 14-16 chhung Arunachal Pradesh-ah hian chamin, tribal leader-te an kawm bawk dawn a ni. AP sakhua rin dan leh ramchhung hmun danga an inhrilh chhawn dan leh zawm dante an zirchiang dawn a ni.

NMA team-ah hian chairman Tarun Vijay bakah member pahnih - Hemraj Kamdarand leh Professor Kailash Rao-te an awm.

Tarun Vijay chuan Arunachal Pradesh chu an state-a rohlute humhalh leh, national archaelogical stite-a monument thar dah luh lamah an hnufum niin a sawi. "An sakhaw rin dan leh monument-te hian khawthlang lam, Gujarat leh ram chhung hmun dangte nen inzawmna tam tak an nei a, heng an inzawm dan tak hi hriatchian lohin an la awm a ni," a ti.

NMA team hian tribal hnam hrang hrang hruaitute leh, khawtlang hruaitute a kawm ang a, hemi hnu hian Prime Minister leh Minister of Culture hnenah report an thehlut ang. Report-ah hian monument humhalh turte leh cultural tourism site list-te an tarlang dawn a ni.