Nagaland-ah positive 17 hmuh belh

Nagaland-ah nimin khan coronavirus kai mi 17 hmuh chhuah thar an ni leh a, hri kai hmuh tawh hi mi 347 an awm tawh a ni. 

Hri kai hmuh chhuah thar zinga mi 15-te hi Kohima quarantine centre-a mi an ni a, Zunheboto quarantine centre-a mi pahnih an tel bawk. Hri kai hmuh tawh zinga mi 141 chu enkawl dam ni tawhin, enkawl mek mi 206 an awm. 

Nagaland state cabinet chuan Thawhlehni khan Department of Health and Family Welfare hnuaia post thar 186 siamna tur a pawm. Kohima-a Civil Secretariat-a Chief Minister chamber-a meeting neihnaah, health­care worker  indaihna lohna phuhrukna turin post thar siam rawtna hi an pawm a ni.