Nagaland : Hornbill tihhlumtu mi 3 man

Nagaland-a Wokha district-a sava ngaihhlut tak chi khat, Hornbill nghaisa a, an tihhlum zui avangin mi pathum man an ni a, wildlife division hnenah thu zawhfiah turin hlan an ni.

He thil thlenna hi Bhandari khuaah a ni a, Bhandari police station officer in charge, Nchumbemo Kikon chuan Thawhṭanni khan Dimapur aṭangin wildlife division team pawh hi khuaah hian an thleng tih a sawi.

Hornbill sawisak leh thah a nih lai video hi social media lamah a darh nasa hle a, mipui thin pawh a tirim hle a ni. Video-ah hian mi pakhatin Hornbill hi tianga a vaw lai leh, a nghawnga a ṭum laite a lang. Hmeichhe aw pawh lo ri telin, video chu tidarh lo tura a hrilh rite pawh hriat theih a ni bawk.

Police-te chuan hornbill tihhlumna atana hmanraw hmante hi manin, hornbill ruang pawh hi an la bawk a ni.