Sikkim-a 'Kabaddi 4' tlangzarh khap

Sikkim sorkar chuan June 17-a Sikkim-a Nepali film 'Kabaddi 4' tlangzarh tum chu a khap tih nimin khan a sawi.

May thlaa Kathmandu-a movie premiere-naah, Kabaddi film-a changtunu, Meruna Mangar-i'n monk Phurba Lama chuan mawi lo takin a khawih nia sawiin a beng a, a beng pawtin a suktir bawk. He thil thleng vang hian Buddhist pawl leh monk association hrang hrang an lungawi lo hle. Film producer - Sushma Gurung leh Anmol Gurung-te pawhin Sikkim-a Buddhist leh monk association hnena ngaihdam dilna thuchhuah pawh an siam phah a ni.

Movie premiere-na a changtunu chet dan avang hian Nepal ramah lungawi lohna lantir a ni a, Sikkim-a film release tur pawh khap turin Buddhist ho chuan an phut bawk. Hei vang hian state sorkar chuan film release tur hi a khap a, chief minister Prem Singh Golay chuan Sikkim mipuite leh association hrang hrangte rilru thlirin, he buaina hi chinfel a nih hma chuan an state-a 'Kabbadi 4' tlangzarh chu khap a ni tih a sawi.