Assam-Meghalaya CM-te ramri chungchangah inbia

Meghalaya leh Assam Chief Minister-te chuan Ningani khan ramri chung­changah Guwahati-ah inbiakna an nei.

State pahnih chief minis­ter-te'n inbiakna an neih tur thu hi puan a lo ni tawh a, April thla tir lama inbiakna neih tura tih chu sawn hma a nih thu Meghalaya Chief Secretary K.S. Kroph chuan a sawi. Meghalaya CM Mukul Sangma chuan ramri chungchang buaina chingfel tura inbiakna neihpuiah Assam CM Sarbananda Sonowal hi a sawm a, Assam khawpui Guwahati-ah inbiakna hi an nei a ni. Assam sorkar official chuan, Namami Brahmaputra Festival avangin Sonowal hian inbiakna neih hun tur hi sawn hma a duh a, inbiakna hi neih a ni ta tih a tarlang.

Ramri chungchangah hian state pahnihte hian inbiakna an lo nei fo tawh a, Supreme Court chuan an chungchang hi a ngaihtuah dawn a ni.