AP-in Covid-19 do letna kawngah chawimawina a dawng

India Today-in State of the States study 2020 a buatsaihah, Aruanchal Pradesh chu ram chhung state te zinga Covid-19 hri leng do letna kawnga thawk ṭha ber chawimawina leh, education lama hmasawn ber state chawimawina a hlan. 

Arunchal Pradesh chief minister Pema Khandu chuan India Today aṭanga chawimawina an dawn hi a twitter-ah tarlangin, zirna chu a kaihhruai state sorkarin a ngaih pawimawh ber a ni a; education department leh zirtirtute theihtawp chhuahna avangin most improved small state in education an dawng thei tih a sawi. 

Covid-19 hri leng do letna kawnga chawimawina an dawn chu theihtawp chhuahtu doctor, nurse, paramedics, helper leh police-te tan a hlan tih Chief Minister chuan a sawi bawk. 

Hetianga hlawhtlinna an chan theihna pui ber chu mipuite leh civil society organisation hrang hrangte thlawpna an hmuh ṭhat vang tih a sawi bawk.