Manipur sorkarin CCTV Scam chhui dawn

Manipur-a Bharatiya Janata Party (BJP) kaihhruai sorkar chuan kum 2010-a CCTV lei nana cheng vaibelchhe riat hman a nih dan a chhui dawn.

Hemi chhui tur hian member pathum awmna inquiry committee chu kar kalta Zirtawpni khan din a ni a, committee hian he thil hi a chhui dawn a, ni 15 hnuah report an thehlut dawn a ni. BJP chuan inthlan hma khan an sorkar chuan he thil thleng hi an chhuichian tur thu an lo sawi tawh a ni. 

Congress sorkar chuan kum 2010 khan CCTV lei nan hian cheng vaibelchhe 8.01 a lo pe chhuak tawh a, mahse sum hi tihchingpen nia sawi a nih bakah, hman tlak lohin a chhuak a ni. CCTV hi Raj Bhavan leh Chief Minister office complex-ah dah a ni a, khawpui dangah te pawh dah tura tih a ni. Mhse heng hi Bengaluru-a firm pakhatin an bunfel hnuan hman theih lohin a awmzui nghal nia sawi a ni.