Defence Ministry-in Arunachal-a ALG civil terminal atan hman remti

Union Defence Minis­try chuan Aruanchal Pra­desh-a Advanced Landing Grounds(ALGs)-te chu civil terminal atan hman a remti.

Defence Secretary G Mohan Kumar chuan, Ziro, Mechuka, Walong, Along (Aalo), Pasighat leh Tuting ALG-te chu civil terminal atan Indiaan Air Force (IAF) chuan hman an remti tih a sawi. Hei bakah hian Pasighat ALG-a AIF building chu state sorkarin bulding thar a neih hma chu hman hawh remtih a nih thu a sawi bawk. State sorkar chuan civil terminal sakna tur hian Union Ministry of Civil Aviation-ah dilna a thehlut tawh a ni.

Arunachal CM Pema Khandu chuan mipuite mamawhna hriaa Defence Ministry-in kawng an hawnsak chu lawmawm a tih thu sawiin, ṭangkai taka hman a beisei tih a sawi. Arunachal-ah hian ALG eng emaw zat hawn a ni tawh a, hawn mai theih a awm nual bawk. Heng te hi civil terminal-a hman a nih theih nan hian kum 2016 khan state sorkar chuan Union Defence Ministry-ah dilna a lo thlen tawh a ni.