KSU-in uranium mining duh lohna lantir

Meghalaya-a Khasi Students' Union (KSU) chuan an stae chhunga uranium khur siam duh loin, Shillong-a Atomic Minerals Directorate’s (AMD) regional office kawtah Thawhlehni khan lungawi lohna an lantir.

Thawhlehni khan KSU hian Khasi National Awakening Day (Sngi Kyrsiew Ri) an hmang a, hemi ni hian Meghalaya-a uranium mine dodalna hi an lantir a ni. Thawhlehni-a nawrh an huaihawtnaa hian buaina a chhuah palh venthawn thilah security force ṭhahnem tak duty tir an ni. AMD regional office awmna, Nongmynsong-a kalpawhna kawngdunga dawrte pawh khar vek an ni.

State sorkar chuan mipuite remtihna lo chuan an state-a urnanium khur siam a remti dawn lo tih a sawi. Chief Minister Mukul Sangma chuan assembly inkhawmah state mipuiten an duh lo a nih chuan uranium zawn hna thawhna tur hi kaltlangpui a ni lo ang tiin a lo tiam tawh a ni.

Uranium hi Meghalaya-a West Khasi Hills district-ah a awm a, mahse nikum khan state sorkar chuan uranium zawn hna thawk tura Uranium Corporation of India Limited hnenah phalna a lo pek tawh chu a tihtawp sak leh a ni.

April 4 hi Khasi zalenna sualtu, U Tirot Sing (Chieftain)-an kum 1829-a British laka indo a puanna ni champha a ni a, hemi ni hi Khasi National Awakening Day atan an hmang zui a ni.