Nagaland Congress-in Zeliang ban turin phut

Nagaland Pradesh Congress Committee (NPCC) chuan an state chief minister hlui, tuna sorkar advisor ni mek TR Zeliang vangin an state chuan leiba cheng vaibelchhe 463.52 zet a nei belh nia sawiin, advisor a nihna aṭanga ban turin sorkar an phut.

NPCC chuan kum 2016-17 budget-ah cheng vaibelchhe 13,658.75 dah ni mah se, Zeliang-a chief minister lai hian sorkarin leiban a lo ngah hman em vangin awmzia a nei thui vak lo niin an sawi. CM a nih laia finance changtu ni bawk, Zeliang-a hnuaiah hian leiba vaibelchhe 463.52 an nei hman niin an sawi. Hei bakah hian home minister Y.Patton chuan kum 2014-2017 chuan tlangzarh loin police 2,000 chuang zet an la niin an puh bawk.

Nagaland sorkarin finance advisor atana Zeliang a dah chhunzawm zel ṭha an tih loh thu leh, an state sum dinhmun ṭha lo taka siamtu a ni tiin chu an duh lo thu sawiin, Congress party chuan ban turin an phut a ni.