Manipur-in security force dil belh

Manipur sorkar chuan Minis­try of External Affairs (MEA) ah ngenna thlenin, an ram chhungah Myanmar Army-te an luh ṭhin avangin hemi veng tur hian security force dah belh turin a ngen.

Thawhṭanni khan Manipur Home Department Joint Secretary Rehanuddin Chaudhary chuan MEA Joint Secretary (border management) hnenah hian leh­kha a thawn a, an state-a assem­bly inthlan neih hmania Chandel district-a thil thleng chung­changte a hrilh bawk.

Lehkhathawnah hian March 3, 2017 khan Chandel district-a Border Patrol 76 bula awm, Haolephai khuaah Myanmar sipaite chu chawhnu dar 1 velah an lut niin a sawi. Myanmar sipaite chuan he khaw hotu inah hian kalin, an thingzaina khawl chu tihchhiat sakin an laksak zui bawk a, hemi ni vek hian Myanmar sipaite hian silai pawh an hmetpuak nia tarlan a ni.

Myanmar sipaite hian Haolenphai khuaa chengte chu kum hnih chhung zet an tibuai fo tawh niin MEA hnena lehkha thawnah hian tarlran a ni a, Manipur cabinet pawhin Myanmar sipaite an ram chhunga an lut ṭhin hi a ngaimawh hle a ni, a ti.