Leiminin Manipur-ah in pasarih a hnawl

Manipur-a Ukhrul district-ah ruahsur nasa avanga leimin chenna in pasarih a hnawl a, thi leh hliam erawh an awm lo.

Nilaini chawhnu dar 2 vel khan Litan Police Stion hnuaia Sirarakhong khuaah hian leimin nasa tak a thleng a, kawngpui pawh a chim tel a ni. He leimin hi kum 62 chhunga chhiatna thleng rapthlak ber a ni.

Manipur-ah hian March 31 khan darkar 24 chhungin ruah 100mm chuang a sur a, Indian Council of Agricultural Research, Lamphelpat-in a tarlan danin hei hi kum 1954 hnua nikhat thilah ruah a sur hnem ber ṭum a ni. Nilaini khan ruahsur hian reh tawh mah se, Imphal khawpui chuan hnuai lama awmte chu tuilianin ala chim reng a ni.

Tuilian avangin thlai chinna ram tam tak a chhia a, Imphal East district-a alu chinna ram hectare 40 chuanga zau chu tuilian hian ala chim a ni.