Senapati-ah UKLA hotu an man

Manipur police-te chuan Senapati-ah Kuki helpawl, United Kuki Liberation Army (UKLA) hotu Thang­khosei Guite leh hel dang pahnih an man.

DGM Manipur LM Khaute chuan UKLA hi a lu manah cheng nuai khat phal a nih thu a sawi a, police-te chuan hun rei tak an zawn hnuah Senapati-a Hotel Serena-ah midang pahnih nena an awm chu an chhui thei ta niin a sawi.

Superintendent of Police, Kangpokpi Police Station Heisnam Balaram kaihhruaiin Senapati leh Kangpokpi police joint team chuan Guite-te awmna hotel hi chhuiin an hual a, an man thei ta a ni. Document pawimawh eng emaw zat an man tel bawk.