Assam-in quality education Kalpuina tur programme a siam

Assam sorkar chuan an state chhunga school education quality tihchangtlunna tur programme a siam, 'Gunotsav' chu Nilaini aṭang khan a kalpui ṭan.

Gunotsav hi quality improvment programme a ni a, he programme hnuaiah hian pawn lam mite chu school hrang hrangah zirlaite dinhmun endik turin tirh an ni ang. Educaton Minister Himanta Biswa Sarma chuan Gunotsav thawh khatna hi ni thum chhung district pariat, zirlai nuai 9.11 awmna kalpui a ni dawn tih a sawi.

Barpeta, Chirang, Dibrugarh, Hailakandi, Kamrup Metro, West Karbi Aanglong, Lakhimpur leh Morigaon district-a zirlai naupangte chu Gunotsav hnuaiah hian endik an ni dawn a ni.