Assam Rifles-ten ruihhlo Rs vbc 2.5 hu an man

Assam Rifles (AR) sipaite chuan Inrinni liam ta khan Manipur-a Myanmar ramri, Tengnoupal district-a Khudangthabi area-ah ruihhlo, World is Yours (WY) tablet kg 5.58 an man. An ruihhlo man hi international market-ah Rs vaibelchhe 2.5 man a ni.

AR sipaite hian Imphal-Moreh highway-a Khudengthabi checkpost-a motor an endiknaah, motor pakhat aṭangin ruihhlo hi an man a ni. WY tablet hi bawm pangaah dahin, Myanmar ramri an rawn paltlang pui a ni. Ruihhlo an man hi Moreh police-te hnenah an hlan nghal tih an sawi.