Rural job scheme-ah hmarchhak che ṭha

Kum 2016-17 sorkar kum chhunga sorkar flagship programme, rural job scheme hnuaiah hmarchhak state pathum - Mizoram, Tripura leh Sikkim te chu scheme kalpui ṭha top 3-ah an lang a, hetihlai hian hmarchhak state vek Assam leh Manipur chu a thawk ṭha lo ber zingah an lang thung.

Ram pumah Cong­ress sorkarna Mizo­ram chu a vawi khanta atan Mahatma Gandhi National Rural Employment Guarantee Act (MGNREGA) hnuaia inhlawhna hna siam ṭha ber niin, chhungkaw khat atan ni 88.43 inhlawhna a siamsak a, ram puma chawhruala inhlawhni siam zat, 45.21 let zet a siam hman a ni. Kum sarih a zawna pakhatna dinhmun lo hauh tawh, Tripura state chu pahnihnaah awmin Sikkim chu pathumna a ni.

MGNREGA hi Cong­ress kaihhruai United Progressive Alliance (UPA) sorkarin kum 2006, February thl aaṭanga a kalpui a ni a, he scheme hian thingtlanga chhung­kaw tina member pakhat tal chu financial year vawi khat chhunga ni 100 inhlawhna siamsak a tum a ni. Mahse a ni bithliah zat ang chiah tipuitling thei state hi an la awm lo. He schein a tum ber chu thingtlang dinhmun chawikan a, rural infrastrcuture - kawng, dik leh tui laknate siam a ni. Financial year liamtaah khan ni khat inhlawhna man atana sum pek hi chawhrualin mi pakhatin Rs 161.87 la ang a ni.