Tripura-in Bangladesh tan Power MW 60 pek belh dawn

Tripura chuan Bang­ladesh hnenah power MW 60 a pek belh dawn.

Tripura Power and Transport Minister Manik Dey chuan Bangla­desh hnena power MW 60 pek belh hi an remti tawh a, hemi atan hian engineer-te pawhin transmission line-te enfiah in a ṭha tawk tih an pawm tawh a ni, a ti. Hei hi Bangladesh PM Sheikh Hasina a cham zin chhungin tihfel a nih tur thu a sawi. Hasina-i i nili cham turin nimin khan India-ah a rawn zin a ni.

Kum 2016, March 23 aṭang khan Tripura hian Bangladesh hnenah power MW 100 a supply a ni. West Bengal chuan kum 2013 aṭang khan Bangladesh hi poewr MW 500 a supply bawk. Mahse hetichung hian power lam a la indaih lo hle a, India sorkar hnenah an ram khawchhak lam biala power indaihlohna an neihte phuhruk nan power MW 100 supply belh turin a ngen a ni. Hei hi Tripura chuan a pek belh theih tur thu a sawi a, mahse khawl lam dinhmun an thlirin Bangladesh hian MW 60 hi a lak belh dawn ta zawk a ni.

Tripura aṭanga Bang­ladesh khawchhak lam biala power supply na tur hian double circuit transmission line km 47-a thuiah siam a ni. Hemi hmang hian Tripura khawthlang lam, Surjyamaninagar power grid aṭangin Bangladesh-a Comilla power grid chu thlunzawm an ni.