Nagaland-ah hri kai hmuh tam ber ni thleng

Nagaland-ah nimin khan Covid-19 kai hmuh thar mi 71 awmin, ni khata hri kai hmuh tam ber ni a thleng. Sample 816 enfiah zingah 71 chuan positive a, an zinga mi 60 chu Dimapur mi niin, Mon district mi pasarih leh Kohima mi pali an awm bawk. Hri kai hmuh thar mi 71 te nen, Nagaland-a Covid-19 kai hmuh chhuah tawh hi mi 845 an awm tawh a ni. An zinga 327 chu dam tawhin, hri kai mek hi mi 518 an la awm.