Tripura Congress hruaituin beih a tawk, damdawi-inah dah luh a ni

Tripura by-election neih tura Congress candidate zinga mi, Sudip Roy Barman chu Pathianni zan khan Agartala-a Ujan Abhoynagar-ah mi tu tih hriat lohten an bei a, hliam tuarin private damdaw-inah dah luh a ni.

Congress party chuan Agartala by-election neih tura an candidate, Sudip Roy Barman hi a campaign meknaah ama thlawptute hmu turin Ujan Abhoynagar-ah hian a kal a, tawhsual hi a tawk ta niin an sawi. Congress chuan he pawikhawihna hi rorellai, BJP lam tih niin an puh. Pawikhawihtute hian Congress hruaitu hi kut an thlak bakah, a car leh a motor-a Congress flag a tar chu an suasam zui bawk.

Barman hian kumin kumtir khan BJP chhuahsanin Congress party a zawm a ni. BJP sorkarah health minister pawh a lo ni tawh a ni. Kumin May 2 khan Barman-a security personnel leh a driver chu mi tu tih hriat loh ten an lo bei tawh bawk a ni.

Tripura-a assembly seat pali ah June 23 hian by-election hi neih a ni dawn a ni.