Congress-in Tripura CM hlui Party ṭangin an hnawt chhuak

Tripura Chief Minister hlui leh Congress hruaitu hlun, Samir Ranjan Barman chu kar kalta Zirtawpni khan party aṭanga hnawh chhuah a nih thu, Congress party chuan an sawi.

Tripura Pradesh Congress President Birajit Sinha chuan, Ranjan Barman chu party dan kalha a chet avangin, kum ruk chhung atan All India Congress Committee (AICC) chuan party aṭangin a hnawtchhuak a ni, a ti. Barman hi Congress hruaitu hlun tak a ni a, kum 1992-93 chung khan chief minister-te pawh alo ni tawh a ni. Tum li zet MLA atan thlan tlin a ni tawh bawk. Hetih lai hian kum 2016 kum tawp lamm khan Barman hi Trinamool Congress vantlang inkhawm buatsaihah a tel a, West Bengal Chief Minister leh Trinamool Congress hruaitu ni bawk Mamata Barnerjeea nen inbiakna an nei nia sawi a ni. He thil thleng avang hian a chungchang ngaihtuah a nih hnuah party aṭanga hnawhchhuah lailawk a ni ta a ni.