Manipur sorkarin zawhna putru chhui dawn
Manipur Education Minister Thokchom Radheshyam chuan Class 12 Physics question paper tih leak out a ni chu pawi a tih thu sawiin, chhui chian a nih tur thu kar kalta Inrinni khan a sawi.
Education Minister Radheshyam chuan exam question putru hi chhuichian nghal a ni dawn a, mawhphurtute chu dan anga hrem an nih tur thu a sawi. Council of Higher Secondary Education Manipur (COHSEM)-in class 12 exam a buatsaihah, April 5 khan Physics subject exam a ni a, mahse exam ṭan hma hian socail media lamah quaestion a darh chiam a ni. Police-te chuan he thil thleng hi an chhui chiang dawn a, education department pawh chhui a ni ang. He thil thleng kaihhnawihah hian police-te chuan mi 16 an man tawh a, thu zawhfiah mek an ni.
Democratic Students Alliance of Manipur (DESAM) pawhin he thil thleng hi an dem thu sawiin, mawhphurtute chu dan anga hrem ngei an phut thu a sawi.