Lilamnaah Assam thingpui Rs 99,999 in hralh

International Tea Day puala Thawhṭannia Guwahati-a special auction neihah, Assam-a Pabhojan gold tea chu Rs 99,999 in hralh a ni. Special auction-ah thingpui hralh to ber a ni.

Pabhojan gold tea hi Assam-a Esah Tea, D2C Tea Brand-in a lei a ni. Kum 2019-a Bijit Sarma din, Esah Tea hian Mangaldoi, Assam-ah headquarters neiin, thingpui tui siamchhuahna kawngah tualchhung thingpui huan neitute nen thawh hona ṭha tak an nei a ni.

Pabhojan Organic Tea Estate neitu, Rakhi Dutta Sakia chuan he thingpui kg khat chiah an siam thu sawiin, record siam an hralh thei chu lawmawm a tih thu a sawi. Special auction-ah hian thingpui ṭhenkhat chu Rs 35,001, Rs 21,001, Rs 20,000 leh Rs 14,445 tein hralh an ni bawk.