Amit Shah-a'n BJP hruaitute Tripura tlawh turin ti

Bharatiya Janata Party (BJP) national president Amit Shah chuan kum 2018-a inthlan hmachhawn tur Tripura chu tlawh turin party hruaitute a ngen.

BJP president chuan central-a BJP MP leh minis­ter-te chu nakkum inthlannaa hnehna an chan ngei theih nan Tripura tlawha cam­paign turin a ngen a ni. Tripura hian February 2018 khian assembly election a hmachhawn dawn a, BJP chuan sorkarna chan ngei tumin an bei leh mek a ni. State BJP president Biplab Kumar Deb pawhin sorkarna siam ngei tumin hma an la tih a sawi ve bawk. Tun thla tawp lam hian Union Power Pijush Kumar Goyal chuan Tripura hi a tlawh dawn a, May 6 khian ni hnih cham turin Amit Shah pawhin tlawh turin ruahmanna a siam a ni.