Assam-in buh thar chhuak hnem dawn

Assam Agriculture Minister Atul Bora chuan kumin chhungin buh metric ton 75 tharchhuah an inbeisei thu a sawi.

Minister Bora chuan nikum khan an state chuan buh metric tone 52 an tharchhuak tih sawiin, kuminah chuan a aia tam tharchhuah an inbeisei tih, Annual Rice Group Meeting-ah a sawi chhuak a ni. State sorkar chuan organic farming lamah nasa taka hma a lak thu sawiin, a hlawhtlinna a hmu chho mek niin a sawi. 

Meeting hmanpuitu, Indian Council of Agricultural Research (ICAR) deputy director general (crop Science) Dr J S Sandhu chuan loneituten buh tam zawk an thar chhuah theih nan technology thar hman a ngaih thu a sawi bawk. He Annual Rice Group Meeting hi ICAR Institute of Rice Research, Hyderabad leh Assam Agricultural University-te'n an buatsaih a ni a, Assam-in a thlen ṭum khatna a ni.