Dalai Lama-a'n Tawang tlawh leh a duh

Tibetan sakhaw puithiam Dalai Lama chuan hmarchhak tlawha a cham chhungin hun hlimawm tak a hmang tih sawiin, Arunachal-a Tawang chu tlawh leh ngei a duh thu a sawi.

Dalai Lam chuan Tawang mipuite lo dawnsawn danah a lawm thu sawiin, he hmunah ngei hian kal leh a tum thu a sawi. Tawang-a a cham chhung hian vawi eng emaw sakhaw thilah zirtirna a pe, chhimtu an ṭhahnem ṭhin hle. Tawang district hmun hrang hrang aṭangin a thusawi ngaithla turin mipui an pungkhawm a, Bhutan aṭang pawhin chhimtu eng emaw zat an awm a ni. Inkhawm buatsaihah hian kum lama upa te chu duhsak bik an ni a, a bul hnaiah ṭhut phalsak an ni. Tawang chu nuam a tih thu sawiin, mipuite duhsakna a dawn chu ropui a ti hle a, Thawhlehni zinga he hmun a chhuahsan dawn hian a kal leh ngei tur thu Buddish sakhaw puithiam hian a sawi a ni.

Dalai Lama hian Thawhlehni zing khan Tawang aṭangin Assam-a Lokpriya Gopinath Bordoloi International Airport chu Helicopter-in a pan a, mi tam takin a haw tur hi an vailiam a ni. Lama hian kum 1983, 1997, 2003 leh 2009 khan Tawang hi a lo tlawh tawh bawk a ni.