Hmarchhhak state pathum-ah Digital India Day hmang lo

Sorkar laipui chuan Ningani khan thuchhuah siamin, Zirtawpni-a Digital India Day hmang tura tih chu Kristian-te ni pawimawh Good Friday a nih avangin Meghalaya, Nagaland leh Mizoram-ahte hman a nih loh tur thu a puang.

Sorkar laipui chuan heng state pathum-a chief secretary-te ṭheuh chu lehkha thawnin, Digital India Day chu hmang rih lo mai turin a ti, a ni. Niti Aayog Chief Exe­cutive Officer Amitabh Kant chuan Meghalaya, Mizoram leh Nagaland-ahte hian Digi Dhan Mela buatsaih a nih tur thu a sawi. Hemi chungchangah hian Meghalaya leh Nagaland sorkar-te chuan sorkar laipuiah Digital India Day chu Good Friday nen a inrual thu an thlen a, Kristian-te ni pawimawh a anih avangin a ni-ah lawmna buatsaih lo turin an ngen a ni. Nilaini khan Meghalaya Lok Sabha MP Conrad K. Sangma chuan hemi chungchang hi Prime Minister Narendra Modi hnehah ziakin a thlen ve bawk.

Meghalaya Chief Minister Mukul Sangma chuan BJP kaihhruai NDA sorkarin Kristian-te ni pawimawha Digital India hmang tura thutlukna a siam chu a lo sawisel tawh a ni.