Assam by-election-ah BJP chak

Assam-a Dhemaji assembly by-election neih zawh takah Bharatiya Janata Party (BJP) chuan hnehna an chang. BJP candidate Ranoj Pegu chuan amah hnaih bertu Congress member Babul Sonowal chu vote 9,285-a hnehin, vote 75,217 a hmu a ni.

Dhemaji hi BJP MLA hlui Pradan Baruah-a bial a ni a, a ni hi Lakhimpur aṭanga Lok Sabha MP atana thlan tlin a nih avangin by-election hi neih a ni. By-election-ah hian BJP, Congress, CPI(M) leh SUCI(C)-te'n candidate an nei a, Independent candidate pakhat a awm ve bawk. Assam-ah hian assembly seat 126 awmah BJP chuan seat 60 an nei a, party dang nen thawkhoin sorkarna an siam a ni.