Manipur Health Minister a bang

Manipur Chief Minister N. Biren Singh leh Health Minister L. Jayentakumar-te inkarah buaina a awm avangin, health minister hian kar kalta Zirtawpni khan CM hnenah hian banna a thehlut a ni.

Jayentakumar-a'n banna a thehluh hnu hian Chief Minister Biren chuan New Delhi a pan nghal a, central-a BJP hruaitute a dawr a ni. Biren hian Jayentakumar hriatpui lohin Department of Personnel minister in-charge Okram Ibomcha a ban bakah, Health Director pawh a ban nia tarlan a ni a, hei hi healt minister chuan duh loin banna a thehlut ve ta a ni. Jayentakumar hi National People’s Party (NPP) MLA pali zinga mi a ni a, BJP kaihhruai sorkar-ah chanvo pawimawh tak pek a ni. NPP minister-te hi an hna chanpualah an lungawi lo nia tarlan a ni a, Director General of Police hlui leh, tuna deputy chief minister ni lai Joykumar chuan Home Deparment enkawl a duh laiin, deparment dang enkawl tir a ni.

BJP kaihhruai ṭangrual sorkar hi kumin March 15 khan lakluh a ni a, thla tam a liam hmain sorkar inrelbawl danah buaina a awm chho ṭan a ni.