Manipur sorkarin e-governance a takin kalpui dawn

Manipur Chief Minister Biren Singh chuan e-governace a taka kalpui ṭan tum a nih thu sawiin, information technology lamah nasa zawka hmasawn tum a ni a ti.

Chief Minister Biren Singh hian kar kalta Zirtawpni khan sorkar website pahnih - Digital Application for Review by Public and Nation (DARPAN) www.ppmonitor.in leh Anti-Corruption Cell www.accmanipur.in-te chu a tlangzarh a, e-governace chu a taka kalpui thuai a nih tur thu a sawi a ni. CM chuan website thar chu mipuiten ṭangkai tak an hman a beisei thu sawiin, a kaihhruai sorkar chu langtlang thei ang bera kalpui a tum thu a sawi. Prime Minister Narendra Modi-a'n “Digital India” a tlangzarh hnuah ramin nasa takin hma sawn nia sawiin, hei hian inrelbawlna kawngah nasa takin hmasawnna a thlen tih a sawi. Hei hi Manipur sorkar pawhin hriain ‘Digital Manipur’ kalpui tum a ni, a ti.

Website thar tlang­zarhna hi Cabinet Mi­nis­ter, Parliamentary Secretary, MLA leh sorkar mi pawimawh eng emaw zatin an hmanpui a ni.