Assam-ah hri kai 6,000 chuang awm tawh

Assam-ah coronavirus kai an la pung chak hle a, nimin thleng khan he hri kai hmuh chhuah hi mi 6,282 an awm tawh a ni. 

Health minister Himanta Biswa Sarma chuan Nilaini khan hri kai hmuh belh mi 226 an awm thu a sawi. Hri kai zinga 3,762 chu enkawl dam ni tawhin, enkawl mek mi 2,508 an awm. 

Assam-ah hian Guwahati-a Hatigaon police station huam chhunga police 12 in hri an kai tih hmuh a ni tawh a, an zinga ṭhenkhat chu enkawl dam an ni tawh bawk. Guwahati-ah hian police 180 dang chu khung hran mek an ni.