AP-ah Covid-19 vangin mi pakhat thi

Arunachal Pradesh-ah Covid-19 kai zinga pakhat chu Nilaini khan a thi a, an state-a he hripui vanga thi hmasa ber a ni. 

Health official-te chuan hri vanga thi hi hmeichhia, kum 43 mi a ni tih sawiin, Naharlagun-a Tomo Riba Institute of Health And Medical Sciences (TRIHMS)-a Covid health centre-a enkawl a ni tih an sawi. Natna nei sa, kal thlak ngai a ni a, hemodialysis la lai a ni tih an sawi bawk. 

Official-te chuan Nilaini zing lam khan  thi a, hemi ni vek hian health and family welfare guideline siam angin a ruang pawh hal a nih thu an sawi. 

Arunachal Pradesh-ah hian Covid-19 kai hi mi 158 hmuh an ni tawh a, an zinga 38 chu enkawl dam an ni tawh a ni.