Umroi airport-ah fligth service chhunzawm dawn

Hripui leng vanga thla tum dawn khar a nih hnuah, Meghalaya-a Umroi airport-ah flight service ṭan tir a ni leh dawn ta. 

Umroi airport director, Manish Kumar Agarwal chuan ministry of civil aviation, directorate general of civil aviation, leh state sorkar chuan flight service chhunzawm a nih theihna turin phalna an pe tawh tih a sawi. Mahse service ṭan hun hi an la tichiang lo. 

Agarwal chuan airport pawh damdawi hmanga kah thianghlim vek a ni tih sawiin,  hri laka himna tura sorkarin kaihhruaina a siamte chu ṭha taka zawm a ni ang, a ti. Khualzinte hnenah mask, sanitizer leh face shield-te pek vek an ni zel dawn tih a sawi bawk.